தண்டனைக்குட்படாத தடைகள்

Tamil Murasu | 5 September 2021

---

சமூக நடத்­தை­யை­யும் நெறி­மு­றை­க­ளை­யும் வடி­வ­மைக்­கும் முயற்­சி­யாக புதிய இன நல்­லிண்­ணக்­கச் சட்­டத்­தில் தண்­ட­னைக்கு உட்­ப­டாத தடை­கள் சேர்க்கப்படக்கூடும் என சட்ட, உள்­துறை அமைச்­சர் கா. சண்­மு­கம் தெரி­வித்து உள்­ளார்.

இன நல்­லி­ணக்­கப் பரா­ம­ரிப்­புச் சட்­டம் என்ற பெய­ரில் புதிய சட்­டம் ஒன்று இயற்­றப்­பட இருப்­ப­தாக கடந்த வாரம் ஞாயிற்­றுக்­கி­ழமை தமது தேசிய தினப் பேரணி உரை­யில் பிர­த­மர் லீ சியன் லூங் அறி­வித்­தார்.

கொவிட்-19 கொள்­ளை­நோய் பர­வ­லுக்­கி­டை­யி­லான மன­உ­ளைச்­ச­லின் அடிப்­ப­டை­யில் இன­வா­தச் சம்­ப­வங்­கள் அதிக அள­வில் பதி­வா­ன­தைத் தொடர்ந்து திரு லீயின் அறி­விப்பு வெளி­யா­னது.

புதிய சட்­டம் குறித்து நேற்று நடை­பெற்ற ‘எஸ்ஜி கோர்’ என்­னும் சமூ­கப் பயிற்­சித் திட்­டத் தொடக்க நிகழ்­வில் அமைச்­சர் கா.சண்­மு­கம் விளக்­கி­னார்.

தமது உள்­துறை அமைச்சு இச்­சட்­டத்தை அறி­மு­கம் செய்­யும் என்று குறிப்­பிட்ட அவர், அதற்கு முன்­ன­தாக, இன­வா­தப் பிரச்­சி­னை­

க­ளைக் கையாள நடப்­பிலுள்ள குற்றவியல் தண்­டனைச் சட்டம் உள்­ளிட்ட வெவ்­வேறு சட்­டங்­களை அமைச்சு ஒருங்­கி­ணைக்­கும் என்­றார்.

இதில் கூடு­தல் நட­வ­டிக்­கை­கள் தேவைப்­பட்­டால் அது குறித்து அமைச்சு கவ­ன­மாக ஆரா­யும் என்­றும் அவர் தெரி­வித்­தார்.

“அன்றாடம் சந்­தை­யில், உண­வங்­காடி நிலை­யத்­தில் அல்­லது மின்­தூக்­கி­யில் நிக­ழும் செயல்­கள் எல்­லா­வற்­றை­யும் நீதி­மன்­றத்­திற்­குக் கொண்டு செல்­வ­தை­யோ சிறைத் தண்­டனை விதிப்­ப­தையோ அல்­லது அப­ரா­தம் விதிப்­ப­தையோ சம்­பந்­தப்­பட்­ட­வர்­க­ளைக் குற்­ற­வா­ளி­க­ளாக நடத்­து­வ­தையோ நாம் யாரும் விரும்ப மாட்­டோம்.

“அது சாத்­தி­ய­மற்­ற­தொரு சூழல் என்று நான் கரு­து­கி­றேன். மேலும், அவ்­வாறு செய்­வது நிலை­மையை சரி­செய்­வ­தற்­குப் பதில் மோச­மாக்­கி­வி­டும்.

“அவ்­வாறு செய்­வ­தற்­குப் பதி­லாக, தண்­ட­னைக்கு உட்­ப­டாத தடை­க­ளின் கட்­ட­மைப்பு ஒன்று பற்றி பரி­சீ­லிப்­பது தொடர்­பாக கலா­சார, சமூக, இளை­யர் அமைச்­சு­ட­னும் இன நல்­லி­ணக்­கத்தை வளர்க்­கும் தேசிய அமைப்­பான OnePeople.sg போன்ற அமைப்­பு­க­ளு­ட­னும் இணைந்து அணுக்­க­மாக அர­சாங்­கம் பணி­யாற்­றும்.

“எனவே, நெறி­மு­றை­களை மீறும் ஒரு­வரை, எந்த சமூ­கத்­திற்­குப் பங்­கம் விளை­வித்­தாரோ அல்­லது எந்த சமூ­கத்­தைச் சரி

­வ­ரப் புரிந்­து­கொள்­ள­வில்­லையோ அந்த சமூ­கத்­திற்­குச் சேவை­யாற்­று­மாறு கேட்­டுக்­கொள்­ள­லாம்.

“ஆக, ஒரு­வ­ரைத் தண்­டிக்­கா­மல், குற்ற ஆவ­ணங்­களில் அவ­ரைச் சம்­பந்­தப்­ப­டுத்­தா­மல், அவரை அசிங்­கப்­ப­டுத்­தா­மல் பெரி­ய­தொரு சமூ­கப் புரிந்­து­ணர்வை அவ­ரி­டம் ஏற்­ப­டுத்த இந்த ஏற்­பாடு கைகொ­டுக்­கும்.

“ஆகை­யால், ஒரு­வரை ஒரு­வர் நல்­ல­

மு­றை­யில் புரிந்­து­கொள்­ளச் செய்­வ­தற்­கான முயற்­சி­யின் மீதே நமது கவ­னம் இருக்க வேண்­டும்,” என்று தெரி­வித்­தார் திரு சண்­மு­கம்.

சுமார் 31 ஆண்டுகளுக்கு முன்­னர் இயற்­றப்­பட்ட சமய நல்­லி­ணக்­கப் பரா­ம­ரிப்­புச் சட்­டத்­திற்கு உட்­பட்ட சமூக சீர்­தி­ருத்த நட­வ­டிக்­கை­யைப் போன்­றது இந்த அணு­கு­முறை.

குற்றம் இழைப்­போர் திருந்­து­வ­தற்கு வாய்ப்­

பளிக்­கும் வித­மாக பாதிக்­கப்­பட்­டோ­ரி­டம் தனி­யா­கவோ பொது­விலோ மன்­னிப்­புக் கேட்க வைப்­பது அல்­லது அனைத்து சமய நட­

வ­டிக்­கை­களில் பங்­கேற்­கச் செய்­வது போன்ற அணு­கு­மு­றை­தான் சமய நல்­லி­ணக்­கப் பரா­ம­ரிப்­புச் சட்­டத்­தில் கடைப்­பி­டிக்­கப்­ப­டு­கிறது.

புதிய இன நல்­லி­ணக்­கச் சட்­டம் இதனை மாதி­ரி­யாகக்­கொள்­ளும் எனத் தெரிகிறது.

இன அடிப்படையில் வேலைவாய்ப்பில் பாரபட்சம் காட்டப்படுவதைக் கட்டுப்படுத்தும் வழிகாட்டி நெறிமுறைகள் இனி சட்ட வடிவம் காண இருப்பதாகவும் பிரதமர் லீ தமது தேசிய தினப் பேரணி உரையில் குறிப்பிட்டிருந்தார்.

அமைச்சர் சண்முகம்: புதிய இன நல்லிணக்கச் சட்டத்தில் சேர்ப்பது குறித்து பரிசீலனை