சமய நம்பிக்கை புரிந்துணர்வை வளர்க்க மேம்படுத்தப்பட்ட திட்டம் மார்ச்சில் செயல்படும்

Tamil Murasu | 5 February 2022

---

புதிதாக மேம்படுத்தப்பட்ட சமயங்களுக்கு இடையிலான நம்பிக்கைத் திட்டத்தின் தொடக்க நிகழ்வில் அமைச்சர் எட்வின் டோங்கும் சமயத் தலைவர்களும்.

சமய நம்­பிக்கை குழுக்­க­ளி­டையே விழிப்­பு­ணர்வை வளர்க்­க­வும் புரிந்­து­ணர்வை ஏற்­ப­டுத்­த­வும் உரு­வாக்­கப்­பட்ட திட்­டம் ஒன்று விரி­வான அள­வில் மேம்­ப­டுத்­தப்­பட்டு உள்­ளது.

‘ஃபெய்த்­ஃபுல் ஃபுட்பி­ரிண்ட்’ எனப்­படும் அந்­தப் புதிய சமய நம்­பிக்கை மர­பு­டை­மைத் திட்­டத்தை கலா­சார, சமூக, இளை­யர் துறை அமைச்­சர் எட்­வின் டோங் நேற்று தேசிய வளர்ச்சி அமைச்சு கட்­ட­டத்­தில் தொடங்கி வைத்­தார். இத்­திட்­டம் அடுத்த மாதம் (மார்ச்) முதல் செயல்­ப­டத் தொடங்­கும்.

அடித்­தள அமைப்­பு­கள், இளை­யர், ‘பல இன, சமய நம்­பிக்கை வட்­டா­ரம் (ஐஆர்­சிசி)’ என்­னும் அமைப்பு, மத­ரசா மற்­றும் சிறப்பு உத­வித் திட்ட பள்­ளி­கள் ஆகி­ய­வற்றை இந்­தத் திட்­டம் தற்­போது உள்­ள­டக்கி உள்­ளது.

முதன்­மு­த­லாக கடந்த 2019ஆம் ஆண்டு முன்­னோ­டித் திட்­ட­மாக உரு­வாக்­கப்­பட்ட இத்­திட்­டம் குடி­யி­ருப்­பா­ளர்­க­ளை­யும் பூர்­வீ­க­மல்­லாத குடி­மக்­க­ளை­யும் தெரிந்­து­கொள்­ள­வும் ஒருங்கிணைக்­க­வும் நோக்­கம் கொண்­டது.

அனு­ப­வ­பூர்வ பய­ணங்­கள் மூல­மும் புலம்­பெ­யர்ந்து வந்த முன்­னோ­டித் தலை­மு­றை­யி­ன­ரும் சமய நம்­பிக்கை சமூ­கங்­களும் கூட்­டாக இந்த நாட்­டிற்கு அளித்த பங்­க­ளிப்பை கதை­கள் வாயி­லா­க­வும் சிங்­கப்­பூ­ரின் பல கலா­சார முறையை அவர்­கள் அறிந்­து­கொள்­ள­வும் உத­வுக் கூடி­யது இத்­திட்­டம்.

இதனை வழி­ந­டத்­தும் ‘ஹ்யூ மேனிட்டி மேட்­டர்ஸ்’ என்­னும் மனி­தா­பி­மான அனைத்து சமய நம்­பிக்கை அமைப்பு தற்­போது திட்­டத்தை மேலும் விரி­வு­ப­டுத்தி உள்­ளது. இதற்­காக உரு­வாக்­கப்­பட்ட மூன்று அம்­சங்­கள் தற்­போது ஐந்து அம்­சங்­க­ளாக அதி­க­ரிக்­கப்­பட்டுள்­ளன.

இந்த அம்­சங்­களில் பங்­கேற்­போர் சமூக ஒற்­றுமை, நம்­பிக்கை மற்­றும் மீள்­தி­றனை பாதிக்­கக்­கூ­டிய பிரச்­சி­னை­கள் பற்றி கலந்து ஆலோ­சிக்­க­வும் ஒரு­வ­ருக்­கொ­ரு­வர் கருத்­து­க­ளைப் பகிர்ந்­து­கொள்­ள­வும் திட்­டம் உத­வு­கிறது.

“இதர சமூ­கங்­க­ளால் பின்­பற்­றப்­பட வேண்­டிய நல்­லி­ணக்­கத்­தின் சின்­ன­மாக விளங்­கும் சிங்­கப்­பூர் தனது வெற்­றிப் பய­ணத்தை நிறுத்­தி­வி­டக்­கூ­டாது,” என்று அமைச்­சர் எட்­வின் டோங் தெரி­வித்­தார்.